Татан буулгах гэж юу вэ?

Ликвидаци нь таны алдагдал байр суурийг хадгалахад шаардлагатай маржин-аас хэтэрсэн тохиолдолд, бирж таны фьючерс эсвэл маржин арилжаан дахь байр суурийг хүчээр хаах үйл явц юм.

Энэ нь таны цаашдын алдагдлыг зогсоох аюулгүйн арга хэмжээ бөгөөд та илүү их алдагдлыг даах боломжгүй болсон үед байр суурийг автоматаар хаадаг.

Ликвидаци хэрхэн явагддаг вэ

1. Та байр суурь нээх

• Хэрэглэгч тодорхой хэмжээний маржиныг барьцаа болгон урт (long) эсвэл богино (short) байр суурь нээнэ.

• Хөшүүрэг нь ликвидацийн үнийг тодорхойлдог.

2. Зах зээлийн үнийн хөдөлгөөн

• Зах зээлийн үнэ таны байр суурийн эсрэг хөдөлвөл алдагдал үүснэ.

• Алдагдал нэмэгдэхийн хэрээр таны дансны Засварын Маржины түвшинд ойртдог.

3. Ликвидацийн гох үүсэх

• Индекс үнийн дагуу дансанд үлдсэн маржин Засварын Маржинаас доош орвол, ликвидацийн систем автоматаар оролцоно.

• Систем нь алдагдлыг улам нэмэгдэхээс урьдчилан сэргийлэхийн тулд байр суурийг хүчээр хаахыг оролддог.

4. Байр суурь хаалт ба тооцоо

• Байр суурь зах зээлийн үнээр хүчээр хаагдаж, ликвидацийн зардлыг хассны дараа үлдсэн маржиныг хэрэглэгчид буцаана.

• Хэрвээ огцом үнийн өөрчлөлт гарвал, даатгалын сан эсвэл Автомат Хөшүүрэг Бууруулах (ADL) механизм ажиллах боломжтой.

Автомат Хөшүүрэг Бууруулах (ADL) гэж юу вэ?

ADL нь даатгалын сангаар нөхөж чадахгүй байгаа ликвидацийн алдагдлыг, эсрэг байр суурь эзэмшиж буй бусад хэрэглэгчдийн байр суурийг хүчээр хааж хариуцуулах замаар нөхдөг механизм юм. Эдгээр эсрэг байр суурь эзэмшигчдийн байр суурь тэдний зөвшөөрөлгүйгээр автоматаар хаагддаг.

• ADL-ийн үед систем нь хамгийн өндөр эрсдэлтэй хэрэглэгчдийг (өндөр хөшүүрэг + их хүлээгдэж буй ашгийн түвшин) нэн тэргүүнд хүчээр хаана.

• ADL-д өртсөн хэрэглэгчдийг захиалгын гүйцэтгэлийн түүх-ээс харж болно.

Ликвидацийн үр дагавар

• Нээлттэй бүх байр суурь шууд хаагдана.

• Cross margin горимд дансны бүх үлдэгдэл алдагдах боломжтой.

Ликвидацийн үнэ (Liq. Price)

• Ликвидаци явагдах тодорхой үнийг илэрхийлнэ.

• Бирж нь орох үнэ, хөшүүрэг, маржины дагуу автоматаар тооцоолж байр суурийн мэдээлэлд харуулна.

💡Ликвидацийн жишээ (дээрхийн дагуу)

Хэрэглэгч 0.1199 BTC-г 108,000 USDT-д 40x хөшүүргээр зарав → зах зээлийн үнэ өсөв → 161,602.7 USDT-д хүрч ликвидацийн үнэ болсон

→ Үр дүн: Бирж байр суурийг автоматаар хаана

Ликвидацийн үнийг бууруулах үндсэн арга замууд

1. Нэмэлт маржин байршуулах

• Байр суурийг хадгалах зорилгоор нэмэлт хөрөнгө байршуулах боломжтой.

◦Cross margin горимд — фьючерс хэтэвчид нэмж хөрөнгө байршуулна

◦Isolated margin горимд — тухайн байр сууринд шууд маржин нэмнэ

2. Байр суурийн тоо хэмжээг багасгах

• Байр суурийн хэмжээг бууруулснаар шаардлагатай засварын маржин буурч, ликвидацийн эрсдэл буурна

3. Орох үнийн дунджаа тохируулах

• Стратегийн нэмэлт оролт хийж дундаж үнийг өөрчилнө

• Long байр суурийн хувьд дундаж үнийг бууруулах, Short байр суурийн хувьд өсгөх замаар ликвидацийн үнийг тохируулна

4. Хөшүүргийг бууруулах

• Хөшүүргийг багасгаснаар илүү их маржин шаардагдах боловч, ликвидацийн үнэ зах зээлийн үнээс холдож, эрсдэл буурна

📄 Холбоотой нийтлэлүүд

→ Засварын Маржин гэж юу вэ?

→  Захиалгын төлөвийг хэрхэн шалгах вэ?

→  Хөшүүрэг гэж юу вэ?

→  Индекс Үнэ гэж юу вэ?